भाषिक क्षमता भनेको मौखिक वा लिखित रूपमा शब्दसँग खेल्न सक्ने क्षमता हो । यो क्षमता प्रवल भएका मानिसहरू शब्दलाई प्रभावकारी ढंगले प्रयोग गर्न सक्ने; आफ्नो विचार स्पष्ट रुपमा राख्न सक्ने; आफूले जानेको कुरा अरुलाई बुझाउन/सिकाउन सक्ने; बोल्न तथा तर्क-वितर्क गर्न सक्ने; कलात्मक ढंगले कुराकानी गर्न सक्ने; आफ्नो विचार, भावना र अनुभवलाई कथा, कविता, निवन्धमा व्यक्त गर्न सक्ने; शब्दको अर्थमा विशेष ख्याल राख्न सक्ने र लेखन कलामा निपुण हुन्छन् । उदाहरणका लागि शिक्षक, प्रशिक्षक, लेखक, कथाकार, वकिल, पत्रकार, सम्पादक आदि भाषिक क्षमता राम्रो भएका व्यक्तिहरू हुन् ।
